Dat is een Gericht, dor kann ik op af. Gifft jo Lue, de meen, dat kiekt rinn as rut ut. Stimmt nich. Is man so, dat een nich so veel met sien Teihn moken mutt. Un kanns dorum mehr freten as wenn Du ierst all'ns met 'n Mess snieden mutts. Wat is Labskaus? Dat is 'n ool Gericht vun See. Alln's wat Du bruuks, hollt sick good oever Weeken. Un wenn Du seekrank warrs, denn hess tominns nich umsuenst kaut. Un ok uns Nahwers in Denmark un Sweden kennt dat. So is dat just 'n Stück internatschonaal Keuk.

Wat bruuks foer Labskaus? Foer veer Lue Woans geiht dat? 1 Kilo Kantueffeln. De warrd stampt. Kanns ok Kantueffelmus nehm. 1 Pund Pökelfleesch (kanns ok Corned Beef nehm. Un ok dat Dosenfleesch vun de Eg, wat vun den Rindfleeschbarg kummt). 2 Zibbeln Öl Suur inleggt Gurken. Koent ok seutsuur Gurken sien Rode Beete (inleggt) Hering: Rullmops, Bismark oder ok de daenschen seuten Hering.

Wahrschau: Kuemmt juemmers blangenbi un ni nich mittenmang! 4 Eier (de kuemmt as Spegelei baben op) Dorto: Beer un Koem

Kantueffeln schälen un koken, bit se week suend. Gurken un Rode Bete in luette Stücken sneden. Man nich all'ns, mutt noch wat foer de Dekoratschoon blieven. Fleesch to Mus drücken. De Zibbeln in luette Stücken sneden. Kantueffeln rutholen un to Mus stampen. Öl in 'n grote Pann oder 'n groten Pott. Denn op't Für doon un heet moken. Zibbeln in de Pann un glasig warrn loten. Fleesch in de Pann un anbroten. Dat Für luett stelln. Gurken un Rode Beete (nich allns) in den Pott met Zibbeln un Fleesch. Kantueffelmus dorto. Warm holln un af un an doerroehrn. Nu hess Labskaus in'n Pott. Spegeleier moken (in de Pann). Labskaus op de Deller dohn. Nu hess 'n Labskausbarg. 1-2 Gurken un Rode Beete blangenbi leggen. De Hering kuemmt half blangenbi un half op den Labskausbarg. Baben op den Labskausbarg kuemmt dat Spegelei. Fardig. Nu kanns Freten as dull.

Foer de Hoogduetschen hebb ik een Link, de geiht ok good. De is bi bsne. De